السنة دى طلع قرار زى قرارات تانية كتيرلا أدرى الفايدة منها
وانا كولى امر لى وجهة نظر فى الموضوع
القرار هو ان اعمال السنة عليها 70 % وده طبعا رقم كبير
وبالتالى المدرسين طلبوا نشاط فى كل المواد
عبارة عن لوحة تتعمل فى مكتب الكمبيوتر
لكم ان تتخيلوا فصل فيه 55 طالب مطلوب لوحات ل6 مواد
كل مادة تقريبا 5 جنيه يعنى اجمالى المبلغ 1650 جنيه
والمستفيد الوحيد هو مكتب الكمبيوتر اللى بنعمل عنده
ده غير تعبنا كامهات فى جمع الفلوس والمشاوير للمكتب
كل ده ليه ! وايه فايدته ! ياسيادة الوزير
طب ماتجمعوا مننا المبلغ ده وتحطوه فى صندوق لتطوير التعليم
أو لبناء فصول جديدة بدل ماتلغوا العلاوة على الموظفين الغلابة
واذا كان على الدرجات اعملوا تسعيرة
😂😂😂الدرجة بربع جنيه والحسابة بتحسب
ملحوظة اللوح دى فى الاخر مصيرها 😠😠صندوق القمامة
يرضى مين ده يامسئولين عن التعليم
تحياتى
هناء وجدى
28/11/2018
تعليقات
إرسال تعليق