التخطي إلى المحتوى الرئيسي

المشاركات

زهقان ومخنوق ونفسك تهرب..!

زهقان ومخنوق ونفسك تهرب من حياتك كلها  اهرب   لكن اهرب الى الأفضل  واعلم أن الفرصه التى لاتأتى إليك   يمكنك أنت أن تذهب إليها  فلما لاتتحرك الأن وتأخذ نصيبك  لاتجعل الخوف يتحكم فى حياتك  بل تحكم أنت فيه  وأقضى عليه واستمر فى تحقيق حلمك   تحياتى هناء وجدى 23/12/2018

مشغول وحياتك مشغول .... "المواعيد"

هو احنا ليه مالناش مواعيد  ولما بنيدى ميعاد نقول بعد الظهر ، بعد المغرب ، بعد العشا اللهم قوى ايمانا .. بس ده مش ميعاد  انا باسيب الوقت مفتوح وكان الطرف التانى فاضى  ويفضل مستنى طول الوقت وفى الاخر ممكن اللى ادى الميعاد مايروحش من فضلكم شوية التزام وتحديد ميعاد بالساعة ولوفيه تاخير نتصل نقول ونعتذر  والا بقى ماتزعلوش لو جه الرد عليكم  مشغول ولاخر الاسبوع مشغول تحياتى هناء وجدى 22/12/2018

الوحدة وما أدراكم بالوحدة ونارها .. "فضفضة"

الوحدة مش إنك تعيش لوحدك بس لأ فيه وحدة أقسى وأشد انك تعيش فى وسط الناس وتحس انك مش منتمى لهم .. مش فاهمينك جواك حاجات كتير افكار، واحلام ، والالام بس مش قادر تطلعها لان ماحدش هيفهمك -- ماحدش هيقدر اللى انت حاسه-- ماحدش هيطبطب عليك الاحتياج للطبطبة -- انا مش عاوزة حد يحل لى مشاكلى انا بس عاوزة حد يطبطب على ويقولى انا جنبك ومعاكى مهما حصل هنعدى المشاكل دى سوا -- مش هتكونى لوحدك --وبالطريقة اللى انتى شايفاها صح أنا فاهمك -- أنا مقدر كل اللى بتمرى فيه-- أنا حاسس بيكى ومعاكى ما تخافيش ابداً -- أنا موجود  كلام بسيط وجميل لكن عندى اغلى من كنوز الدنيا مش محتاجة اكثر من كده -- شوية فضفضة  تحياتى  هناء وجدى 19/12/2018

خليك زيى الكابتن "محمد صلاح" واتعلم (فن اللامبالاة)

"أثناء كأس العالم شوهد الكابتن "محمد صلاح"  (وهو مستغرق فى قرأة كتاب اسمه (فن اللامبالاة وساعتها قررت إن أنا كمان لازم اقرأه واشوف فيه ايه  مش بس لان الكابتن "محمد صلاح" قرأه لا  لأن انا كمان (حسيت إنى محتاجة أتعلم (فن اللامبالاة ولأن عندى هواية غريبة وعجيبة لكنها ممتعة  وهى تلخيص الكتب ، اى كتاب أقرأه لازم الخصه  واحتفظ به ، حاجة كده زيى جمع الطوابع المهم قرأته ولاقيته فعلا ممتع ومفيد جداً وحقيقى هتندموا لو مش قاريتوا الكتاب ولأنى بحبكم عملت لكم الملخص فيديو  تقدروا تشوفوه وتستمتعوا به  تحياتى هناء وجدى 14/12/2018

ذكريات من عمر فات .. أيام ماكان فيه تعليم وتربية فى مدارسنا

وأنا بأقلب فى أوراقى القديمة لاقيت ورقة من تراثى اللى افتخر به شهادة الطالبة المثالية 👱 وانا فى اعدادى اليوم ده استحالة انساه لأنى مش بس اتكرمت فيه "لأ ده كمان أول يوم علمنى يعنى ايه من "جد ووأنا جد وذقت فيه ولأول مرة طعم دموع الفرح الأيام دى كانت مدارسنا بتعلم وبتربى   وكل مدرس له ذكرى جوانا وحاجات كتير اتعلمناها منهم  بالمناسبة دى اذكر مدرسة الفرنساوى بتاعتى فى ثانوى  كان اسمها "مدام كاميليا" 👍 مرة دخلت لنا فى حصة اضافى اخدتها فرصة علشان تتكلم معانا وتؤهلنا للمرحلة الجامعية  (مش باقولكم كان فيه تربية وتعليم) وفهمتنا ازاى نحافظ على نفسنا ونعتز بأنوثتنا ازاى نلبس وازاى نتكلم ونثق فى نفسنا  مش بس كده .. انا بفضل مدام كاميليا  اتعلمت انى كل يوم بعد صلاة العشاء امسك المصحف واقرا فيه  علشان ربنا يكرمنى وبقت عادة عندى ..  شكراً مدام كاميليا جعله الله فى ميزان حسناتك شكراً لكل استاذتى فى الابتدائى والاعدادى والثانوى "شكرأ لكم جميعاً بفضلكم  من بعد "ربى" ، "وأمى وأبى  . أصبحت ما أنا عليه الأن...

مش كل راجل خاين ولا كل ست نكدية ... "التعميم"

مش عارفة ليه كلمة التعميم فكرتنى بكلمة التأميم  يمكن لأن الأتنين بنفس السوء .. بنفس الظلم كل واحد فينا بيمر بتجارب مؤلمة ده عادى لكن الأكيد أن الحياة بتستمر ومافيش تجربة زى التانية  ازاى عاوزين تقنعونى ان كل الرجالة خاينين   عارفين ده معناه ايه ان كل الرجالة شياطين والستات ملايكة وبالمثل ازاى تقنعونى ان كل الستات نكدية وده معناه  ان كل الستات شياطين والرجالة ملايكة مظلومين للاسف كل واحد بيحكم من خلال تجربته الشخصية  ويبدأ يعمم ان الكل كده وانه ضحية ..... نقطة ومن أول السطر  كلنا بنى بشر وكل البشر خطائون حتى الأنبياء كانت لهم غلطاتهم لاننا فى النهاية بشر ولسنا ملائكة آية قرأنية واحدة لخصت الحكاية لو الكل اتبعها هنعيش سعداء (وجعل بينكم مودة ورحمة)  ودايماً نراجع نفسنا ونقبل غلطنا ونفهمه ونقبل غلط الطرف الآخر ونحتويه احنا حنعيش حياة واحدة مهما طالت قصيرة  ونقول من تانى مش كل راجل خاين ولاكل ست نكدية  تحياتى هناء وجدى 8/12/2018

الإحتياج إلى الحضن

عارف انت لما تيجى تحضن اولادك علشان تحسسهم بحبك وتطمنهم انت كمان فى الوقت ده بتاخد منهم احساسك بالعطاء والدفا بتاخد الامان والحب -- بتاخد اكتر ما بتدى طب عارف اهمية الحضن ده فى نموهم النفسى والعقلى والجسدى عارف انت كمان محتاج قد ايه للحضن ده  تعالوا نشوف دكتور "محمد طه "استشارى الطب النفسى واستاذ الطب بجامعة المنيا هيقولنا ايه عن الاحتياج للحضن  تحياتى هناء وجدى 6/12/2018