الوحدة وما أدراكم بالوحدة ونارها .. "فضفضة"

الوحدة مش إنك تعيش لوحدك بس

لأ فيه وحدة أقسى وأشد انك تعيش فى وسط الناس

وتحس انك مش منتمى لهم .. مش فاهمينك

جواك حاجات كتير افكار، واحلام ، والالام بس مش قادر تطلعها

لان ماحدش هيفهمك -- ماحدش هيقدر اللى انت حاسه-- ماحدش هيطبطب عليك

الاحتياج للطبطبة -- انا مش عاوزة حد يحل لى مشاكلى

انا بس عاوزة حد يطبطب على ويقولى انا جنبك ومعاكى مهما حصل

هنعدى المشاكل دى سوا -- مش هتكونى لوحدك --وبالطريقة اللى انتى شايفاها صح

أنا فاهمك -- أنا مقدر كل اللى بتمرى فيه-- أنا حاسس بيكى ومعاكى

ما تخافيش ابداً -- أنا موجود 

كلام بسيط وجميل لكن عندى اغلى من كنوز الدنيا

مش محتاجة اكثر من كده -- شوية فضفضة 

تحياتى 

هناء وجدى

19/12/2018