عن اﻹحتياج للحضن ويالا نعمل (اب - ديت) لبعض 👈من ملخص كتاب الخروج عن النص ✅ لـ د . محمد طه 👈 8

 💥ملخص كتاب الخروج عن النص الجزء الثامن

لينك الجزء اﻷول من هنا 👈https://hanaawagdy.blogspot.com/2026/01/1.html

لينك الجزء الثانى من هنا 👈https://hanaawagdy.blogspot.com/2026/02/2.html

لينك الجزء لثالث من هنا 👈https://hanaawagdy.blogspot.com/2026/02/3.html

لينك الجزء الرابع من هنا 👈https://hanaawagdy.blogspot.com/2026/02/4.html

لينك الجزء الخامس من هنا 👈https://hanaawagdy.blogspot.com/2026/02/5.html

لينك الجزء السادس من هنا 👈https://hanaawagdy.blogspot.com/2026/02/6.html

لينك الجزء السابع من هنا 👈https://hanaawagdy.blogspot.com/2026/02/7.html

*****************************

عن اﻹحتياج للحضن

اﻹحتياج للحضن هو واحد من أهم اﻹحتياجات اﻹنسانية وأقواها أثراً على اﻹطلاق

اﻹحتياج للحضن بنتولد بيه وبنعيش بيه ومانقدرش نكمل حياتنا بشكل صحى وسليم من غيره ، ونقصه ممكن يؤدى لكثير جداً من اﻷمراض

مشكلة اﻹحتياج للحضن أنه احتياج مزدوج ، يعنى هو مش بس احتياج جسدى ﻻ هو كمان احتياج نفسى ، وفى الحقيقة ده اﻷهم واﻷخطر

أول علاقتك بالحضن كانت فى اللحظة اﻷولى ﻹحتضان اﻷم لك ، وأحدث اﻷبحاث العلمية وجدت إن الحضن اﻷول ده مهم يكون فيه تلامس مباشر بين أكثر مساحة من جلد اﻷم والطفل ، علشان فرق درجة حرارة جلد اﻷم عن درجة حرارة جلد الطفل بيكون أول حاجة تنبهه أنه مختلف ، أنه متفرد وبالتالى أنه موجود

علشان نعيش بالحد اﻷدنى من الصحة الجسدية والسلامة النفسية كل واحد فينا محتاج 4 أحضان فى اليوم ، ولو بقوا 8 أحضان يبقى ده كفيل بدوام استمرار صحتنا الجسدية والنفسية وعلشان اكتمال النمو الصحى وتمام النضج النفسى محتاجين 12 حضن يومياً

الحضن دفا .. دفا نفسى وجسدى كأك بتحط كمادات ميه دافيه على جراح حياتك ، الحضن علاقة فيها رسايل رايحة جاية ، فيها قبول وشوفان احترام واحتواء ، الحضن وجبة غذائية متكاملة

الحضن أمان .. درع حماية سترة واقية من رصاص الألم وصقيع الحياة

الحضن عزاء وطبطبة ، ترياق ناجح لهموم الليالى وسموم اﻷيام

الحضن قبول واهتمام وحب وسماح ورضا ، كتير من المرضى النفسيين كل اللى وراء اعراضهم المرضية هو الإحتياج للحضن واﻹحتياج ده لم يتم اشباعه من اﻷم واﻷب أساساً ، بعض اللى بيجيلهم اكتئاب ، توتر وقلق وحتى هلاوس سمعية وبصرية بيكون أحد اﻹحتياجات اﻷساسية غير المشبعة عندهم هو اﻹحتياج للحضن ، ده كمان ساعات اللى بيدمن مش بيدور فى مادته المخدرة إﻻ على اللى مالاقهوش فى حضن ابوه وامه (الشبع والرضا) ، ماتحرموش أوﻻدكم وبناتكم من الحضن ، ما تحرموش أزواجكم وزوجاتكم من الحضن ، علشان ماتضروش تدفعوا تمن غالى .. يالا قوموا ﻷقرب حضن

******************************

يالا نعمل (اب - ديت) لبعض

أكبر ظلم ممكن تظلمه لحد هو أنك ماتشوفهوش👈 بمعنى أنك تشوف فقط الصورة اللى أنت راسمهاله فى  مخك واللى غالباً اتكونت من موقف قديم ، يعنى اللى قدامك يتغير (سواء للأحسن أو الأسوأ) وأنت مازلت شايفه زى ما هو

احنا بنحب الراحة مش عاوزين نبذل مجهود نشوف بيه أى حاجة جديدة ممكن تلخبط تصوراتنا القديمة ، ﻷن ده معناه إن أنا كمان أتغير طالما اللى قدامى بيتغير ، ويبقى عندى استعداد أراجع نفسى فى كل تصوراتى وأفكارى واكتشف انى غلط ، وأصحح نفسى واجدد استقبالى كل يوم

الكون بيتغير كل لحظة ، حتى جسمك خلايا تموت وخلايا تتجدد ، دورات حياة كاملة فى كل خلية من خلاياك

نيجى احنا بقى  نثبت نفسنا ونثبت غيرنا عند موقف أو كلمة أو لحظة فشل او حتى لحظة نجاح ، ونحرم نفسنا ونحرم غيرنا من فرصة جديدة ورؤية مختلفة

عملت ده قبل كده؟ ما فيش مشكلة .. ما هو أنت قبل قراية الكلام ده غير بعد قرايته ، أنت محتاج تعمل كل شوية تحديث لرؤيتك لنفسك وللآخرين ، هتكتشف وتشوف حاجات حلوة قوى ما كنتش شايفها قبل كده .. بلاش تقف أو توقف غيرك ﻷنك كده بتحرق نفسك وبتفقد أى أمل للتغير

****************************

وإلى اللقاء مع كلنا ماليفيسينت

***************************

#ملخص_كتاب

#د_محمد_طه

#الخروج_عن_النص

#up_date #hanaa_wagdy