أنا موجود 👈 إذاً أنا أستحق 👈من ملخص كتاب الخروج عن النص ✅ لـ د . محمد طه 👈10

 💥ملخص كتاب الخروج عن النص الجزء العاشر واﻷخير 

أنا موجود 👈 إذاً أنا أستحق

فيه كلمات من كتر ما بنستخدمها فقدت مهناها ، (الثقة بالنفس) ، مافيش حاجة علمية اسمها كده إنما فيه حاجة اسمها استحقاق النفس .. هى تفرق ! 👈 آه طبعاً تفرق

اتعودنا على ان الشخص الواثق من نفسه .. شخص قوى وناجح مش بيضعف وﻻ يفشل ، ودى أكبر خدعة بنخدعها لنفسنا ، الشخص ده مش موجود غير فى الخيال وفى اﻷفلام .. أما استحقاق النفس فده موضوع تانى خالص

تعمل ايه علشان تتعامل مع نفسك على أنك تستحق ؟! ..

أولاً .. تقبل إنك تخطئ ، وتقبل ضعفك وفشلك ، يعنى تقبل نفسك كلها على بعضها

ثانياً .. تصدق من جواك أنك تستحق ، تستاهل تعيش ، تستاهل تتحب ، تستاهل تُحترم ، تستاهل يهتم بيك ، تستاهل تتشاف ، ربنا خلقك وكرمك .. خلى بالك أكبر غلطة هى أنك تربط أنك تستاهل بأى حاجة أنت عملتها يعنى 👈 أنا أستاهل أتحب ﻷنى نجحت ، أنت تستاهل علشان أنت خلقة ربنا

ثالثاً .. تدى نفسك كل يوم فرصة جديدة وأمل جديد ، ما تشوفش النهاردة بعيون امبارح ، وﻻ بكرة بعيون النهاردة ، اعتبر كل يوم حياة جديدة ، طلع اﻷمل اللى جواك ﻷنه فى الحقيقة موجود بالفعل بس محتاج منك تصدقه وتستخدمه

رابعاً .. ودى أهم واحدة 👈كن نفسك 👉 ما تسجنش نفسك فى آراء اﻵخرين ، ما تسمحش ﻷى حد يقبلك بشروط ، أو يحبك بشروط ، أنت فى رحلة فيها صعود وهبوط ، فيها نور وفيها ضلمة ، واللى ما يشوفش ده ويقبلك بيه 👈 تقوله شكراً وتكمل رحلتك من غيره

خامساً وأخيراً .. استبدل اﻹحساس المرضى بالذنب باﻹحساس الصحى بالمسئولية ، سامح نفسك واطلب السماح من ربنا وخليك واثق فى عفوه ورحمته

يالا قول معايا (الحمد لله)

********************

تم بحمد الله

********************

لينك الجزء اﻷول من هنا 👈https://hanaawagdy.blogspot.com/2026/01/1.html

لينك الجزء الثانى من هنا 👈https://hanaawagdy.blogspot.com/2026/02/2.html

لينك الجزء الثالث من هنا 👈https://hanaawagdy.blogspot.com/2026/02/3.html

لينك الجزء الرابع من هنا 👈https://hanaawagdy.blogspot.com/2026/02/4.html

لينك الجزء الخامس من هنا 👈https://hanaawagdy.blogspot.com/2026/02/5.html

لينك الجزء السادس من هنا 👈https://hanaawagdy.blogspot.com/2026/02/6.html

لينك الجزء السابع من هنا 👈https://hanaawagdy.blogspot.com/2026/02/7.html

لينك الجزء الثامن من هنا 👈 https://hanaawagdy.blogspot.com/2026/03/8.html

لينك الجزء التاسع من هنا 👈 https://hanaawagdy.blogspot.com/2026/03/malificent-9.html